hɔ̄ dàʔ qo ɔ̀-g̈â cɔ̀
tê-pɔ̂ʔ thâ chɔ te g̈â yâ-pā ŋâ g̈â cɔ̀ ve cê.
yɔ̂-hɨ tê ni le-le yàʔ dàʔ ve tí te ve cê.
te g̈â khɔ̂ tê g̈â mâ na.
qhe te lɛ ɔ̀-pa g̈a mɔ̀ lɛ yɔ̂-hɨ thâʔ qôʔ pî ve: "yâ tê-phā ò … nɔ̀-hɨ tê ni le-le yàʔ dàʔ ve… tê g̈â lɛ tê g̈â mâ cɔ̂ dàʔ ve… šɨ̂ʔ-tà ɔ́ və lâʔ, tê g̈â tê mà" ô qhe qôʔ pî ve cê.
qhe te lɛ, ɔ̀-pa qôʔ pî ve qhe, ɔ̀-yâ ɔ́ və lâ ve tê yân thâ, ɔ̀-pa gɛ gà la ve cê.
"nɔ̀-hɨ a-šu yɔ̂ ɔ́ tā ve á-du-tà ɔ́-thɛ a-ni" chi qhe qôʔ pî ve cê.
tê pɔ̂ʔ lɛ̀, a-šu yɔ̂ ɔ́ tā ve á-du-tà ô-ve ɔ́-thɛ ve tê yân thâ, kɛ̂ʔ kɛ̂ʔ tê pɔ̂ʔ tí thɛ ve cê.
qhe te lɛ tê pɔ̂ʔ qɔ̀ʔ ɔ́ pə ve cê.
ɔ̀-yâ-pā tê-phā thàʔ tê pɔ̂ʔ qɔ̀ʔ ɔ́ və lâ lɛ, ɔš-pa mêʔ g̈û-šɨ̄ tɛ pî ve cê.
tê pɔ̂ʔ ɔ̀-pa qha-dɛ̀ʔ chɨ̀ʔ šē lɛ, tê g̈â pə̀ tê g̈â ɔ́ cɨ ve cê.
tê g̈â pə̀ tê g̈â ɔ́ cɨ ve kàʔ, chi tê pɔ̂ʔ mâ thɛ cê.
qhe te lɛ, ɔ̀-pa qôʔ pî ve: "yâ-pā tê-phā ò, nɔ̀-hɨ tê g̈â cɛ tí chɛ qo, yàʔ šɛ thâ qhe qha šū, aɔ-du-tà ɔ́ ve qhe qha šū, nɔ-hɨ g̈a lù tù yò. g̈a šô tù yò" ô qhe qôʔ pî ve cê.
chi tê pôʔ qɔ̀ʔ ɔ́ ve qhe qha-šū qo, nɔ̀-hɨ tê gɛ phôʔ chɛ lɛ, ni-ma tê šī tí te qo, šhu nɔ̀-hɨ thàʔ te-yàʔ la thɔ̂, nɔ̀-hɨ mâ g̈a lù" tɛ̀ʔ ô qhe qôʔ pî ve cê.
qhe qo, ŋà-hɨ Khìʔyâ tê-phā thɔ̂ chi qhe yò.
ŋà-hɨ jɔ̂mɔ̂ Yēšûʔ Khìʔ thàʔ cû ve tê cə̀ qo, co-tèʔ-ha-tèʔ g̈a tù yò.
ŋà-hɨ jɔ̂mɔ̂ Yēšûʔ Khìʔ tah̀ʔ mâ cû ve tê cə̀ qo, vên-bâʔ bè ve ɔ̀-qhɔ lo g̈a pày qay tù yò.
qhe te ve pa-tɔ jɔ̂mɔ̂ Yēšûʔ Khìʔ G̈ɨ̀-ša ve Yâ-phu tìʔ thâʔ cu qo, co-tìʔ-ha-tìʔ g̈a tù ve qa-mɨ̀-khɔ̂ ɛ́ tê-mà qa šā.
G̈ɨ̀-ša Yâ-phu Yēšûʔ thàʔ nɔ̀ hàʔ yù lò…
nɔ̀ co-tìʔ-ha-tìʔ g̈a tù yò.