mùʔ-qhu te pā lɛ mɔ̂-chɨ̂ pā
à-šwè-thâ chɔ nî g̈â cɔ̀ ve yò cê.
tê g̈â ɔ̄ mɔ̂-chɨ̂ šɛ̄-phâ jɔ̂-mɔ̂ cê.
tê g̈â ɔ̄ mùʔ-qhu te šɛ̄-phâ jɔ̂-mɔ̂ cê.
tê ni qhe gà lɛ, phu tɛ̂ʔ dàʔ ve tê yân, mɔ̂-chɨ̂ šɛ̄-phâ ma mâ g̈a cê, phu.
mùʔ-qhu te pā chi … âan … mùʔ-qhu te pā chi yɔ̂ dɔ̂ ve …
mɔ̂-chɨ̂ šɛ̄-paĥ chi lù lù pî dɔ̂ ve cê.
caō-fā lón hɔ nâʔ tɔ́ tê khɛ cɔ̀ ve thàʔ yɔ̂ dɔ̂ ni g̈a cê… mùʔ-qhu te pā jɔ̂-mɔ̂ chi…
nô ve àʔ mɔ̂-chɨ̂ šɛ̄-phâ yɔ̂ chɨ̂ lɛ mâ phu qo yɔ̂ mâ g̈a te tɛ̀ʔ yɔ̂ ni-ma qhɔ qhe šī lɛʔ yɔ̂ qay lɛ qôʔ pî ve cê: "jɔ̂-mɔ̂ lón caō-fā ò, nɔ̀ hɔ chi chɨ̂ a lɛ phú ɛ̀ te pî qo, šu ni ve tê yân "ɔ̀-bon cɔ̀ ve yò tɛ̀ʔ qôʔ tù yò" qôʔ ve cê.
qhe te lɛ jɔ̂-mɔ̂ lón qôʔ ve, "ŋà hɔ chi thàʔ chɨ̂ phu ve a-šu cɔ̀ le" tɛ̀ʔ na-ni a ve tê yân, "mɔ̂-chɨ̂ šɛ̄-phâ jɔ̂-mɔ̂ tê g̈â lɛ̀ chɨ̂ phu ve yò. yɔ̂ lɛ̀ phu kàʔ mâ jâ.
ŋà mùʔ-qhu te pā jɔ̂-mɔ̂ a-kɛ́ mâ ve yò.
nô ve phi thàʔ ca kù chɨ̂ cɨ qo, phu tɛ̀ ŋà yōn ve yò," qòʔ pî ve yò.
qôʔ pî ve tê yân, jɔ̂-mɔ̂ caō-fā chi qôʔ pî ve: "mû lo, mɔ̂-chɨ̂ šɛ̄-phâ jɔ̂-mɔ̂ thàʔ nɔ̀ ca kù yù lò" qôʔ ve…
kù yù lɛ là ve tê yân thâ, "ŋà mɔ̂-chɨ̂ ve ɔ̀-lî mùʔ-qhu lón šá-khâʔ lón g̈a te g̈a šá ve yò," qòʔ pî ve cê.
qòʔ pî ve tê yân mùʔ-qhu te pā thàʔ jɔ̂-mɔ̂ caō-fā lón qôʔ pî ve: "mùʔ-qhu te pā nɔ̀, ɔ̀-tàʔ-pɛ̂ thàʔ šī lɛʔ mùʔ-qhu te lò," qôʔ pî ve cê.
mùʔ-qhu te tâʔ və lâ lɛʔ hɔ khɨ-šɛ yù kə, khô ve cê.
tê pɔ̂ʔ te khô ve cê.
ni pɔ̂ʔ te khô ve cê.
šɛ̂ʔ pɔ̂ʔ te lɛ khô pə̀ qhɔ̀ʔ nɔ́ jɔ̂-mɔ̂ qôʔ pî ve: "nɔ̀ šu thàʔ lù tù ve a-lɔ́ dɔ̂ ve thàʔ-pa-tɔ chi bə̀ʔ nɔ̀ lù pə̀ ò. mùʔ-qhu te pā kàʔ tâ te lò. mɔ̂-chɨ̂ šɛ̄-phâ lɛ̀ qha-dɛ̀ʔ chɨ̂ câ lò," qôʔ pî ve cê.
pə̀ ve yò.