ɔ́-qā pàʔ pā lɛ pan-tây g̈àʔ pā
à-šwè-thâ lɔ̂-pū tê g̈â cɔ̀ cê.
ti-mi qhɔ ti-mi ca tháy há e lɛ, ɔ̀-mî-ma mâ qay.
tê ni gà lɛ ɔ̄, ɔ̀-yâ-pā tê g̈â cà-qha ca pû qò lɛ, ti-mi jâ gà lɛ, ɔ̀-pa àʔ ni lɛ, ɔ̀-pa chi ɔ́-qā-ma-pə̄ àʔ pàʔ chɛ̂ lɔ cê qôʔ-ma.
qhe te lɛ tê pɔ̂ʔ ɔ̀-yâ chi g̈ɨ̂ qòʔ e lɛ, ɔ̀-e àʔ qɔ̀ʔ tho pî ve qôʔ ve.
que te lɛ ɔ̀-e chi šī lɛ, cà-qha qɔ̀ʔ dôʔ pû və lɛ, lɔ̂-pū ô-ve gɛ qay lɛ, á-qā ɔ̄ ɔ̄ mɨ câ chɛ̂ lɔ cê.
qhe te lɛ ô tê ni ɔ̄ qhe lɛ šu pan-tây g̈àʔ-pā ô tê qhâ ɔ̄ là lɔ cê qôʔ-ma.
que te lɛ lɔ̂-pū chi ɔ̄, ô ɔ̄ šâ ɛ̀ də̂ʔ ɛ̀ pan-tây qhe te g̈àʔ là lɛ ɔ̄, "ô ve à-thòʔ-ma te le" qôʔ na ve cê, ɔ̀-mî-ma àʔ.
ɔ̀-mî-ma ɔ̄, "ɔ́-qā àʔ pàʔ pā àʔ ca dɔ̂ʔ pɛ̄ la ve" qôʔ lɛ.
tê pɔ̂ʔ tí ɔ̄ kàʔ mâ câ á ve cê, qhe te g̈ɨ̂ phɔ e ve.
qhe te g̈ɨ̂ phɔ e lɛ pan-tây chi yɔ̂ qhâ šɨ g̈ɨ̂ phɔ cɔ̂ e lɛ, šu mɔ̀ lɛ, "g̈â thèʔ g̈àʔ yù mɛ̀," qôʔ lɛ, yɔ̂ g̈â thèʔ phɔ e ve cê.
qhe te lɛ phɔ e lɛ tə̀ʔ thâ gà e lɛ, "ɔ́-qā phɨ́ ɛ̀ kàʔ nɔ̀ ɔ́-qā mâ hêʔ. nâʔ tɔ́ ɛ̀ kàʔ nɔ̀ ɔ́-qā mâ hêʔ," qôʔ ve cê.
H: âa, nɔ̀ qòʔ ve à-šwè thâ chɔ lɔ̂-pū mɔ̂ lâ o.
Kh: èe.